Məzmuna keç
Azərbaycan Alpaqut
FederasiyasıRəsmi sayt
Məşqə yazıl
Disiplin · Qarışıq döyüş

BATUR

Tam əl və ayaq zərbələri + klinç + atış + boğucu + ağrıverici texnikaları əhatə edən qarışıq döyüş formatı.

BATUR nədir

BATUR tam kontaktlı qarışıq döyüş disiplinidir. Zərbələr tam güclə vurulur (8–13 yaşda başa zərbə istisnadır — yüngül toxunuş), mübarizə həm ayaq üstə, həm də yerdə aparılır.

Nə olar, nə olmaz BATUR disiplinində icazəli və qadağan hərəkətlər
İcazəlidir
  • Əl zərbəsi (yumruq) — başa və gövdəyə; bütün əl zərbələri, YANKU YUMRUK daxil
  • Ayaq zərbəsi (tepik) — başa, gövdəyə, buda və baldıra
  • Diz zərbəsi — 18 yaş və yuxarı: yalnız gövdəyə
  • Tutma və klinç — sərbəst; klinç içində zərbə, atış fəndi və yerə keçid
  • Yer mübarizəsi — 20 saniyə; texnika gedirsə, bitənə qədər uzanır
  • Boğucu və ağrıverici texnika — yalnız yer mübarizəsində
Qadağandır
  • Yerdə olan rəqibə ayaq və ya diz zərbəsi
  • Dirsəklə zərbə; açıq əllə/ovucla zərbə
  • Onurğa xəsarətinə səbəb olacaq texnikalar; qabırğa/qasığın üzərinə yıxılma
  • Rəsmi BOĞUÇAN texnikalarından kənar boğma — boğazı barmaqlarla sıxmaq, bilək və ya dirsəklə xirtdəyə birbaşa təzyiq
  • Dabandan tutub ayağı burmaq — belə burulmada güc dizə düşür və diz bağlarını qırır
  • Yerdə olan rəqibin kürəyinə vurma
  • Dişləmə, saç tutma

İcazəli texnikalar

TexnikaİcazəMəhdudiyyət
Əl zərbəsi (yumruq)Başa və gövdəyə icazəlidir — bütün əl zərbələri, YANKU YUMRUK daxilƏnsəyə (başın arxasına), kürəyə və onurğaya qadağan; başa zərbənin yaş qaydası aşağıda
Ayaq zərbəsi (tepik)Başa, gövdəyə, buda və baldıra icazəlidirƏnsəyə, boğaza, qasığa, oynaqlara, onurğaya və kürəyə qadağan; başa zərbənin yaş qaydası aşağıda
Diz zərbəsi18 yaş və yuxarı: yalnız gövdəyə icazəlidirBaşa bütün yaş kateqoriyalarında qadağan; 18 yaşdan kiçik və Veteranlarda qadağan
TutmaSərbəst — atış fəndi və yer mübarizəsinə keçid üçün rəqibdən yapışmaqVaxt həddi yoxdur
KlinçSərbəst — klinç içində zərbə, atış fəndi və yerə keçid icazəlidirVaxt həddi yoxdur; passivlik ümumi qayda ilə tənzimlənir
Yer mübarizəsiİcazəlidir — 20 saniyə; texnika gedirsə, bitənə qədər uzanır5 saniyə passivlik → ayağa qaldırılır
Boğucu / ağrıverici texnikaYalnız yer mübarizəsindəAyaq üstündə qadağan

Başa zərbə: yaş qaydaları

Yaş qrupuBaşa zərbə (əl və ayaq)
8–13 yaşYüngül zərbə: başa toxunan zərbə 1 SARGUT qazandırır
14–15 yaşTam kontakt — xal ümumi qayda ilə: yalnız təsirli zərbə
16–17 yaşTam kontakt
18–35 yaşTam kontakt
Veteran (A: 36–40 / B: 41+)Tam kontakt

Başa yüngül zərbə (8–13 yaş). Uşaq əl və ayaq zərbələrinin hamısını öyrənir və yarışda başa da vurur, amma xal üçün sərt vurmaq lazım deyil: başa toxunan zərbə 1 SARGUT qazandırır. 8–13 yaş kateqoriyasında başa zərbə, nəticəsindən asılı olmayaraq, ACAR və UTKU gətirmir; tullanma və fırlanma zərbələri də daxil olmaqla yalnız 1 SARGUT qazandırır. Xal həm də gövdəyə və ayaqlara vurulan zərbələrdən, atış və süpürmələrdən gəlir.

Səbəb: baş qoruyucusu üzü qoruyur, amma beyin sarsıntısının qarşısını ala bilmir — zərbə dəyəndə beyin kəllənin içində silkələnir; 8–13 yaş beynin ən həssas dövrüdür. Bu qaydada uşaq texnikanın hamısını öyrənir, dəqiqliyə çalışır, sağlamlığı isə qorunur.

Ayaqüstü xal qaydaları

HərəkətŞərtXal
İcazəli zərbəRəqibi sarsıdan və ya balansını pozan1 SARGUT
Atış və ya ayaq süpürməsiFəndlə icra olunur; atlet rəqibi yıxır və üstün vəziyyətdə qalır1 SARGUT
Rəqibi tam qaldıraraq atışAyaqüstü mübarizədə rəqibin hər iki ayağı yerdən üzülür və atış tamamlanır2 SARGUT
NokdaunZərbənin təsirindən rəqib yıxılır və ya anlıq döyüş qabiliyyətini itirir; 10 saniyəyədək ayağa qalxırACAR
Nokaut, təslimNokaut — rəqib 10 saniyəyədək ayağa qalxa bilmir; təslim — rəqib təslim siqnalı verirUTKU

Atış və süpürmə xalında ölçü fəndin idarəsidir:

  • Atlet rəqibi fəndlə yıxır, özü üstün vəziyyətdə qalır — xal verilir.
  • İkisi büdrəyib bir-birinə ilişərək yıxılır — xal verilmir; bu, fənd deyil, təsadüfdür.
  • Atlet rəqibi itələyir və özü də nəzarətsiz onun üstünə yıxılır — xal verilmir; fənd idarə olunmayıb.

2 SARGUT (rəqibi tam qaldıraraq atış) standart SARGUT dəyərinə istisnadır.

Xal zənciri döyüş disiplinləri üçün vahid sistem
  1. SARGUT — 1 xalTexniki üstünlük: icazəli zərbə, süpürmə və ya atışın düzgün tətbiqi. Sarı kart.
  2. ACAR — 3 xalNokdaun və ya 3 SARGUT toplanması. Mavi kart.
  3. UTKU — qələbə kartıHesab 6 xala (2 ACAR) çatanda, nokautla, təslimlə və ya vaxtın sonunda xalla qalibə verilir. Qırmızı kart.

KINAK — cəza: xal qiyməti yoxdur, yalnız intizam və bərabərlik qiymətləndirməsində nəzərə alınır. Qara kart.

Yer mübarizəsi: yaş məhdudiyyətləri

Yaş qrupuYer mübarizəsində əl zərbələri
8–15 yaşQadağandır
16–17 yaşYalnız bədənə
18–35 yaşBaş + bədən
Veteran (A: 36–40 / B: 41+)Yalnız bədənə

Yer mübarizəsi: xal qaydaları

HalXal
8–15 yaş — ağrıverici texnika tam qurulub oynağa (dirsək, diz və ya ayaq oynağı) təzyiq başlayarsaDərhal UTKU elan olunur (təslim siqnalı gözlənilmir)
Atlet rəqibin altından qaçaraq dominant nəzarət mövqeyi əldə edərsə1 SARGUT
Sinə üzərindən çevirmə — atlet altdakı rəqibin sinə və ya qurşaq nahiyəsindən iki əli ilə yapışıb onu öz sinəsi üzərindən fırladır və yenidən üstə çıxır1 SARGUT
Ayaqdan tutaraq çevirmə — rəqib ayağından tutularaq çevrilir və atlet yenidən üstə çıxır1 SARGUT

Yer mübarizəsinin ümumi qaydaları — mövqe dəyişikliyi, çevirmə fəndləri, 20 saniyəlik müddət, təslim, boğucuda yaş qaydaları, çırpma qadağası və icazəli hallar — Rəsmi Yarış Qaydalarında verilir.

Döyüşün vaxtı

Yaş kateqoriyasıİlkin matçlarFinal matçlar
Uşaqlar (8–9 / 10–11 yaş)1 raund 2 dəq1 raund 3 dəq
Yeniyetmələr (12–13 / 14–15 yaş)1 raund 2 dəq1 raund 3 dəq
Gənclər (16–17 yaş)1 raund 2 dəq1 raund 3 dəq
Böyüklər (18–35 yaş)1 raund 3 dəq1 raund 3 dəq
Veteran A (36–40) və Veteran B (41+)1 raund 3 dəq1 raund 3 dəq

Qoruyucu ləvazimat

Qoruyucular bütün yaş qruplarında məcburidir və qadın atletlərə də eyni qayda ilə aiddir. Əlcək tutma və boğucu texnikalara imkan verən, barmaqları açıq döyüş əlcəyidir.

QoruyucuKim üçün
Barmaqları açıq döyüş əlcəyiBütün yaş qrupları
Baş qoruyucusu — almacıqları qoruyanBütün yaş qrupları
Diş qoruyucusuBütün yaş qrupları
Ayaq qoruyucusuBütün yaş qrupları
Qasıq qoruyucusuBütün yaş qrupları
Sinə qoruyucusu15 yaş daxil olmaqla bütün atletlərdə məcburi; 16 yaşdan etibarən kişi atletlərdə istifadə olunmur, qadın atletlərdə bütün yaş qruplarında məcburidir

Yaş və çəki kateqoriyaları

Bu çəki kateqoriyaları AYÇA, BATUR, CAYMAZ və QURŞAK disiplinlərinə aiddir. Cədvəldə yalnız üst hədd yazılır: «25» — 25 kq-a qədər, həmin çəki də daxil.

Cədvəli aç
Yaş qrupuKişiQadın
Uşaqlar — 8–9 yaş25 / 30 / 35 / 40 / +40 (maks. 50) kq25 / 30 / 35 / +35 (maks. 45) kq
Uşaqlar — 10–11 yaş30 / 35 / 40 / 45 / +45 (maks. 55) kq30 / 35 / 40 / +40 (maks. 50) kq
Yeniyetmələr — 12–13 yaş35 / 40 / 45 / 50 / +50 (maks. 60) kq35 / 40 / 45 / +45 (maks. 55) kq
Yeniyetmələr — 14–15 yaş40 / 45 / 50 / 55 / 60 / 65 / +65 (maks. 75) kq40 / 45 / 50 / 55 / +55 (maks. 65) kq
Gənclər — 16–17 yaş50 / 55 / 60 / 65 / 70 / 75 / 80 / +80 (maks. 90) kq45 / 50 / 55 / 60 / +60 (maks. 70) kq
Böyüklər — 18–35 yaş55 / 60 / 65 / 70 / 75 / 80 / 85 / +85 kq (üst hədd yoxdur)55 / 60 / 65 / 70 / +70 kq (üst hədd yoxdur)
Veteran — A: 36–40 yaş / B: 41+ yaş55 / 60 / 65 / 70 / 75 / 80 / 85 / +85 kq (üst hədd yoxdur)55 / 60 / 65 / 70 / +70 kq (üst hədd yoxdur)

Rəsmi sənəd

Rəsmi Yarış Qaydaları — BATUR bölməsi Dünya Alpaqut Federasiyası · Versiya 3.0 · qüvvəyə minib: 19 may 2026 · PDF, 501 KB Qüvvədədir

Bu səhifə qaydaların qısa izahıdır. Mübahisəli halda rəsmi sənədin mətni əsas götürülür. Qaydaların tam mətni və bütün bölmələr

Məsul şəxslər

Qarşıdakı yarışlar

BATUR ilə məşğul olmaq istəyirsiniz?

Yaxın filialı seçin və müraciət göndərin — məşqçi sizinlə əlaqə saxlayacaq.

Məşqə yazıl