Şəffaflıq
Federasiya kimdir, necə idarə olunur, qərarlar necə qəbul edilir, pul məsələsi necədir — açıq suallar və cavablar. Hər cavabın altında mənbə var.
Federasiya kimdir
Ölkədə
Dünyada
Azərbaycan Alpaqut Federasiyası nədir?
Azərbaycan Alpaqut Federasiyası (AAF) Dünya Alpaqut Federasiyasının (DAF) Azərbaycan nümayəndəliyidir. Alpaqut idman növünü ölkədə inkişaf etdirir: filiallar açır, məşqçi hazırlayır, yarış və seminarlar keçirir, milli yığma komandanı formalaşdırır.
Mənbə: Tural Abasquliyev federasiya rəhbəri seçildi 26.09.2025·Azərbaycan Alpaqut Federasiyasının qurultayı keçirilib. 23.08.2024
Federasiya nə vaxt yaranıb?
2014-cü il martın 16-da idarə heyətinin növbədənkənar toplantısında «Azərbaycan Alpaqut Federasiyası» təsis edildi, idarə heyəti və icra orqanı seçildi. Ondan əvvəl 2013-cü ildə «Türk Döyüş Sənəti Federasiyası» adı ilə fəaliyyət göstərirdi.
Mənbə: Azərbaycan Alpaqut Federasiyası təsis olundu 17.03.2014·Türk Döyüş Sənəti Federasiyası, İlham Əliyevi Azərbaycan Respublikası Prezidenti seçilməsi münasibətilə təbrik edir. 10.10.2013
Federasiyanın hüquqi statusu nədir?
AAF ictimai əsaslarla fəaliyyət göstərən qeyri-hökumət təşkilatıdır. Ölkədə rəsmi tədbirləri, seminar və yarışları Azərbaycan Milli İdman Növləri Assosiasiyasının (AMİNA) çərçivəsində keçirilir, AAF onları icra edir.
Mənbə: Tural Abasquliyev federasiya rəhbəri seçildi 26.09.2025·Bakı Şəhər Gənclər və İdman idarəsinin rəhbərliyi ilə Alpagut Federasiyasının rəhbərliyi arasında görüş keçirildi 25.04.2024
AMİNA ilə əlaqəsi nədir?
Alpaqut Gənclər və İdman Nazirliyi tərəfindən akkreditasiyadan keçmiş Azərbaycan Milli İdman Növləri Assosiasiyasının (AMİNA) rəsmi idman növlərindən biridir. AAF AMİNA-nın nəzdində fəaliyyət göstərir; yarışlar Assosiasiya, habelə şəhər və rayon gənclər və idman idarələri ilə razılaşdırılaraq keçirilir.
Mənbə: Bakı Şəhər Gənclər və İdman idarəsinin rəhbərliyi ilə Alpagut Federasiyasının rəhbərliyi arasında görüş keçirildi 25.04.2024·Alpaqut Turan Döyüş Sənəti üzrə Asossasiya Kuboku yarışı uğurla başa çatdı 10.03.2025·AMİNA
Dünya Alpaqut Federasiyası ilə əlaqəsi necədir?
AAF Dünya Alpaqut Federasiyasının Azərbaycan Respublikasında rəsmi səlahiyyətli nümayəndəliyidir. Nümayəndəliyin rəhbərinin seçilməsini DAF təsdiq edir.
Mənbə: Tural Abasquliyev federasiya rəhbəri seçildi 26.09.2025·DAF / WAF
Alpaqut adı kimə məxsusdur?
«Alpagut-Turan» adından əmtəə nişanı kimi istifadəyə Mədəniyyət və Turizm Nazirliyi 2014-cü ildə (icazə № 37) idman növünün müəllifi Vasif Namazova icazə verib. Əmtəə nişanının qeydiyyatı Əqli Mülkiyyət Agentliyi tərəfindən 2034-cü ilədək uzadılıb. Dövlət sənədlərinin surəti «Sənədlər» səhifəsindədir.
Rəhbərlik və qərarlar
- Qurultayİdarə Heyətini və Nəzarət-Təftiş Komissiyasını seçir.
- İdarə HeyətiQərarı qəbul edib Prezidentə göndərir. Heyətin sədri Nizami Ağayevdir.
- PrezidentQərarı təsdiq edir və ya səbəbini əsaslandıraraq geri qaytarır. Prezident Tural Abasquliyevdir.
- İcraiyyə KomitəsiGündəlik işi aparır: komitələr, disiplin koordinatorları, regional nümayəndəliklər.
İlin yekunları barədə Gənclər və İdman Nazirliyinə hesabat təqdim edilir.
Federasiyanı kim idarə edir?
Federasiyanın prezidenti Tural Abasquliyevdir. Qərarları İdarə Heyəti qəbul edir, heyətin sədri Nizami Ağayevdir. Gündəlik işi İcraiyyə Komitəsi aparır: komitələr, beş disiplinin koordinatorları və regional nümayəndəliklər.
Mənbə: İdarə Heyəti·İcraiyyə Komitəsi·Tural Abasquliyev federasiya rəhbəri seçildi 26.09.2025
Qərarlar necə qəbul olunur?
İdarə Heyəti qərarı qəbul edib Prezidentə göndərir. Prezident qərara baxır: onu təsdiq edir və ya səbəbini əsaslandıraraq geri qaytarır. Bu qayda federasiyanın nizamnaməsindədir.
Mənbə: İdarə Heyəti·AAF, İdarə Heyətinin qərarı ilə Mehman Səfərovun birinci vitse prezident olaraq seçildiyini elan edir. 6.10.2024
Rəhbərlik necə seçilir?
İdarə Heyəti qurultayda seçilir. 2024-cü il avqustun 23-də keçirilən qurultayda filial və klub rəhbərləri, məşqçilər, hakimlər və 18 yaşına çatmış idmançılar səs verdi; həmin qurultayda prezident də ümumi yığıncağın səsverməsi ilə seçildi. 2025-ci ildə isə növbəti qurultaya qədər prezidentlik namizədliyi İdarə Heyəti üzvlərinin tələbi ilə irəli sürüldü və Dünya Alpaqut Federasiyası onu təsdiq etdi.
Mənbə: Azərbaycan Alpaqut Federasiyasının qurultayı keçirilib. 23.08.2024·Tural Abasquliyev federasiya rəhbəri seçildi 26.09.2025
Federasiyanın işinə kim nəzarət edir?
Qurultayda İdarə Heyəti ilə yanaşı Nəzarət-Təftiş Komissiyası da seçilir. Bundan əlavə federasiya ilin yekunları barədə Gənclər və İdman Nazirliyinə hesabat təqdim edir.
Mənbə: Azərbaycan Alpaqut Federasiyasının qurultayı keçirilib. 23.08.2024·Nazirlikdə Alpaqut döyüş sənətinin inkişafı müzakirə edilib 15.01.2025
Federasiya hesabat verirmi?
Bəli. Hər ilin sonunda ilin yekunlarına həsr olunmuş hesabat tədbiri keçirilir, prezident və vitse-prezidentlər görülən işlər barədə məlumat verir. İllik hesabat Gənclər və İdman Nazirliyinə də təqdim olunur.
Mənbə: Azərbaycan Alpaqut Federasiyası 2025-ci ilin yekunlarına həsr olunmuş tədbir keçirib 30.12.2025·İlin yekunları ilə bağlı hesabat tədbiri keçirildi 6.01.2022·Nazirlikdə Alpaqut döyüş sənətinin inkişafı müzakirə edilib 15.01.2025
Federasiyanın iclasları haqqında harada oxumaq olar?
İclasların və mühüm qərarların nəticələri saytın «Xəbərlər» bölməsində, «Federasiya» başlığı altında dərc olunur.
Mənbə: Azərbaycan Alpaqut Federasiyasının iclası keçirilib 28.10.2025·Federasiya xəbərləri
Pul
- Üzvlük haqqıAAF qəbul edib Dünya Alpaqut Federasiyasına köçürür. Üzvə AID kart verilir.
- Dərəcə imtahanı haqqıDünya Alpaqut Federasiyasına köçürülür. Dərəcə DAF-ın reyestrinə yazılır.
- Aylıq məşq haqqıFilial, bölmə və ya klub özü müəyyən edir — idman kompleksinin şəraitinə görə. Məbləğ filialın səhifəsində açıqdır.
- Yarış və seminar iştirak haqqıTexniki təminata, mükafat fonduna və hakimlərin əmək haqqına. Bəzən sponsor və qrant hesabına ödənişsiz olur.
Rəhbərlik və heyət maaşsız, könüllü çalışır; hakimlərə yalnız yarışda gördükləri iş üçün haqq ödənilir.
Federasiya pul yığırmı?
Federasiya öz adına üzvlük haqqı toplamır. AAF Dünya Alpaqut Federasiyasının Azərbaycan nümayəndəliyi kimi üzvlərdən DAF-ın üzvlük haqqını qəbul edir və onu Dünya Alpaqut Federasiyasına köçürür. Üzvə DAF-ın şəxsiyyət kartı (AID kart) verilir. Kartın həqiqiliyini «Sənədi yoxla» səhifəsində yoxlamaq olar.
Mənbə: Sənədi yoxla·DAF / WAF
Dərəcə imtahanı üçün pul alınırmı?
Dərəcələri Dünya Alpaqut Federasiyası verir və bütün dərəcələrin reyestrini DAF aparır. İmtahanı DAF-ın səlahiyyət verdiyi şəxs götürür, imtahan haqqı DAF-a köçürülür.
Mənbə: Dərəcə cədvəli·Sənədi yoxla
Rəhbərlər maaş alırmı?
Rəhbərlik və heyət ictimai əsaslarla, maaşsız, könüllü çalışır; hakimlərə yalnız yarışda gördükləri iş üçün haqq ödənilir.
Mənbə: Tural Abasquliyev federasiya rəhbəri seçildi 26.09.2025
Yarışda iştirak haqqı nəyə görə alınır?
Seminar və yarışlarda texniki təminat, mükafat fondu və hakimlərin əmək haqqı üçün iştirak haqqı müəyyən oluna bilər. Bəzi hallarda bu xərclər sponsor və qrant vəsaiti ilə qarşılanır və iştirak ödənişsiz olur.
Mənbə: Alpaqut Turan Döyüş Sənəti üzrə Asossasiya Kuboku yarışı uğurla başa çatdı 10.03.2025·Azərbaycan Alpaqut Federasiyası 2025-ci ilin yekunlarına həsr olunmuş tədbir keçirib 30.12.2025
Aylıq məşq haqqını kim müəyyən edir?
Aylıq məşq haqqını filial, bölmə və ya klub özü müəyyən edir və o, filialın səhifəsində açıq yazılır. Filial və bölmələr bölgələrdəki idman komplekslərində və mərkəzlərində fəaliyyət göstərir. Hər müəssisənin öz şəraitinə görə ödəniş tələbi olduğundan məşq haqqı da bölmədən bölməyə fərqlənir.
Mənbə: Filiallar·Valideynlər üçün
Pulsuz proqram varmı?
Bəli. Ali məktəb və kollec tələbələri üçün «Alpaqut Gənclər Şəbəkəsi» proqramı pulsuzdur; avadanlıq yerində verilir.
Mənbə: Tələbələr üçün pulsuz proqram: «Alpaqut Gənclər Şəbəkəsi» 15 oktyabrdan başlayır 26.09.2026·Gənclər Şəbəkəsi
Yarışları kim təşkil edir və dəstəkləyir?
Rəsmi yarışlar AMİNA çərçivəsində keçirilir, federasiya onları icra edir. Respublika statuslu yarışlar Azərbaycan Respublikasının Gənclər və İdman Nazirliyinin dəstəyi ilə, regional yarışlar isə şəhər və ya rayon gənclər və idman idarəsinin dəstəyi ilə həyata keçirilir. Tədbirlərdə tərəfdaş şirkətlər və ictimai təşkilatlar da iştirak edir.
Mənbə: Alpaqut Turan Döyüş Sənəti üzrə Asossasiya Kuboku yarışı uğurla başa çatdı 10.03.2025·Azərbaycan Alpaqut Federasiyası 2025-ci ilin yekunlarına həsr olunmuş tədbir keçirib 30.12.2025·Tərəfdaşlar
Dərəcə, məşqçi, yarış
Alpaqut dərəcələrini kim verir?
Bütün dərəcələri — kəmər və ustadlıq (SAN) dərəcələrini — və məşqçi, sınayçı lisenziyalarını Dünya Alpaqut Federasiyası verir və onların reyestrini aparır. Dərəcə seminar və imtahandan sonra verilir; imtahanı DAF-ın səlahiyyət verdiyi şəxs götürür. Hər sənədin kodu var və onun həqiqiliyini saytda yoxlamaq olar.
Mənbə: Sənədi yoxla·Qarabağda 2026-cı ilin ilk Alpaqut seminarı və kəmər üstünlükləri üzrə imtahan keçirilib 12.01.2026·Alpaqut Federasiyasında növbəti seminar və kəmər imtahanı keçirilib 25.08.2019
«İdman ustası» adını kim verir?
Azərbaycan Respublikasının «İdman ustası» adını Gənclər və İdman Nazirliyi öz qərarı ilə verir. Alpaqut üzrə ilk idman ustası adı 2020-ci ildə verilib.
Mənbə: Rafiq Qasımov Alpaqut üzrə ilk idman ustası adını almağa laiq görüldü. 24.09.2020·AAF-ın Kaçut sistemi üzrə kordinatoru Natiq Eminov Alpaqutdan "İDMAN USTASI" dərəcəsinə laiq görülmüşdür 1.12.2020
Məşqçilər yoxlanılırmı?
Bəli. Məşqçi saytda qeydiyyatdan keçərkən şəxsiyyət vəsiqəsini və təhsil sənədini təqdim edir. Federasiya sənədləri yoxlayıb təsdiq etdikdən sonra məşqçinin profili saytda görünür.
Mənbə: Məşqçilər·Məşqçi qeydiyyatı
Yarış qaydaları açıqdırmı?
Bəli. Alpaqutun Rəsmi Yarış Qaydalarının azərbaycanca tam mətni və hər bölməsi ayrıca PDF kimi «Sənədlər» səhifəsindədir.
Mənbə: Sənədlər — yarış qaydaları
Sınayçının qərarı ilə razı deyiləmsə, nə edim?
Rəsmi Yarış Qaydalarının 10-cu maddəsinə görə məşqçi və ya komanda nümayəndəsi nəticə elan olunandan sonra 10 dəqiqə ərzində yazılı etiraz və ya apellyasiya verə bilər. Etiraz təmin olunarsa, ödənilmiş rüsum qaytarılır.
Antidopinq barədə mövqe nədir?
Dünya Alpaqut Federasiyası Ümumdünya Antidopinq Məcəlləsinin imzaçısı deyil. Federasiya antidopinq qaydalarına əməl edir və imzaçı olmağa hazırlaşır.
Mənbə: Sənədlər
Şəxsi məlumat və əlaqə
Şəxsi məlumatlarım necə qorunur?
Məşqçilərin telefonu, e-poçtu, doğum tarixi və şəxsi sənədləri saytda göstərilmir; sənədlər açıq olmayan qovluqda saxlanılır. «Məşqə yazıl» formasında yazdığınız məlumat yalnız məşqçiyə və federasiyaya gedir.
Mənbə: Valideynlər üçün
Filial necə açılır?
Alpaqut üzrə ixtisası olan şəxs federasiyaya müraciət edir və filial açır. Başqa döyüş növü üzrə fəaliyyət göstərən şəxs alpaqut filialı açmaq istəyəndə əvvəlcə ixtisasdəyişmə kursu keçir; bu müddətdə federasiya onunla əməkdaşlıq edir. Kursdan sonra o, məşqçilik attestasiyasından keçir. Hazır olduğu təsdiqlənərsə və onun bölgəsində filial yoxdursa, filialın açılması barədə İdarə Heyəti qərar verir və Prezident onu imzalayır. Bölgədə artıq filial varsa, yeni qrup həmin filialın nəzdində bölmə kimi fəaliyyət göstərir. Filial saytda qeydiyyatdan keçdikdən sonra bu barədə xəbər dərc olunur və onun haqqında bütün məlumatlar saytda görünür.
Mənbə: Əməkdaşlıq və keçid kursu·Döyüş növləri klubları və bölmələri əməkdaşlığa dəvət edilir! 9.03.2023·Filiallar
Şikayət və ya təklifimi hara yazım?
Əlaqə səhifəsindəki formadan yazın və ya birbaşa office@alpagut.az ünvanına göndərin. Telefon: +994 55 789 77 16.
Mənbə: Əlaqə
Cavabını tapmadınız?
Sualınızı yazın — cavabı həm sizə göndərək, həm də bu səhifəyə əlavə edək.