Tural Abasquliyev təhsil sahəsində on beş ildən artıq təcrübəyə malik mütəxəssis və pedaqoqdur. Müəllimlikdən başlayaraq direktor müavini və məktəb direktoru vəzifələrinədək yol keçib, hazırda Simurq Liseyinin baş icraçı direktorudur. 2025-ci ilin sentyabrından Azərbaycan Alpaqut Federasiyasına rəhbərlik edir.

2008–2012-ci illərdə Müəllimlər İnstitutunda təhsil alıb. Karyerası boyunca təhsilin müxtəlif pillələrində — müəllimlikdən idarəçiliyə qədər — çalışıb və bu gün ölkənin qabaqcıl təhsil müəssisələrindən birinə rəhbərlik edir.

2025-ci ilin sentyabrında Dünya Alpaqut Federasiyasının Azərbaycan Nümayəndəliyinin — ictimai əsaslarla fəaliyyət göstərən Azərbaycan Alpaqut Federasiyasının — prezidenti seçilib. Bundan əvvəl Dünya Alpaqut Federasiyasının vitse-prezidenti kimi fəaliyyət göstərib. Alpaqut idmanının ölkəmizdə tanınması və inkişafı istiqamətində iş aparır.