Hacıyev Əli Abbas oğlu

Döyüş idman növləri ilə 14 yaşımdan məşğulam. Əvvəl şotokan karate, sonra şərq təkbətək döyüş növlərinin bir neçəsi, eləcə də şərq sağlamlıq gimnastikası və fəlsəfəsi ilə məşğul olmuşam, zaman-zaman döyüş sənətlərini tədris etmişəm.

Alpaqut Turan Döyüş Sənəti ilə 2015-ci ilin sonlarında Facebook vasitəsilə tanış olmuşam. Həmin ildən alpaqutçulara qoşularaq bu milli döyüş sənətinin inkişafı, yayılması və tədrisi ilə məşğulam.

Alpaqutda yaş məhdudiyyəti, demək olar ki, yoxdur, amma əsas tədris 7–45 yaş arasında aparılır.

Alpaqutu tədris edərkən milli ruha (Törə) və fəlsəfəyə, yüksək əxlaqa, mərdliyə və vətənpərvərliyə əsaslanıram. Tələbəyə funksional güc, fiziki hazırlıq, dözüm, döyüş yöndəmlərinin dəqiq, sürətli və çevik yerinə yetirilməsi öyrədilir.