İraq Gənclər və İdman Naziri Dünya Alpaqut Federasiyasının nümayəndə heyyətini qəbul etdi.

İraq Gənclər və İdman Naziri Dünya Alpaqut Federasiyasının nümayəndə heyyətini qəbul etdi.

8 – 13 mart 2024 cü il tarixləri arası İraq Respublikasının Gənclər və İdman Nazirliyinin, İraq Alpaqut Federasiyasının dəvətilə Dünya Alpaqut Federasiyasının nümayəndə heyyəti İraq respublikasının paytaxtı Bağdad şəhərinə səfər etmişdir.

9 mart 2024 cü il tarixində,Bağdad şəhəri Qılqamış Universitetinin İdman kompleksində Alpaqut döyüş sənəti üzrə texniki seminar, məşqçilər və hakimlər seminarı keçirildi. Seminar Alpaqut döyüş sənətinin qurucusu Vasif Namazov və onun asistenti Rafiq Qasımov tərəfindən keçirildi.

10 mart 2024 cü il tarixində,İraq Olimpiya Komitəsində Alpaqut idmanı ilə bağlı təqdimat keçirildi. İlk öncə İraq Olimpiya Komitəsinin Baş katibi cənab Haitham Abdel Hamid Dünya Alpaqut Federasiyasının nümayəndələri qarşılayaraq onlara xoş gəldin dedi, daha sonra isə təqdimat mərasimi başladı.Təqdimat mərasimində Dünya Alpaqut federasiyasının idarə heyətinin sədri Vasif Namazov, və idarə heyətinin üzvü Rafiq Qasımov, DAF vitse prezident Emil Rəhimov, İraq Alpaqut Federasiyasının vitse- prezidenti Mohammed Mohi iştirak edərək Alpaqut idman növünün beynəlxalq arenada uğurlarından, gələcək layihələrindən söz açdılar və sualları cavablandırdılar və daha sonra 9 mart 2024 cu il tarixində keçirilən seminar iştirakçılarına iştirakçı sertifikatları təqdim edildi.

11 -12 mart 2024 cü il tarixində, İraq Alpaqut Federasiyası və Dünya Alpaqut Federasiyasının nümayəndə heyəti beynəlxalq yarış standartlarına cavab verən idman komplekslərinə baxış həyata keçirərək növbəti illərdə Bağdadda Asiya çempionatının keçirilməsi üçün qərarlar aldı.

13 mart 2024 cü il tarixində, İraq Respublikasının Gənclər və İdman Naziri cənab Əhməd Əl Mubarka Dünya Alpaqut Federasiyasının nümayəndə heyətini qəbul etdi. Görüş zamanı təşkil olunan seminar, təqdimat mərasimi və gələcəkdə İraqda keçiriləcək beynəlxalq yarış layihələri müzakirə edildi. Dünya Alpaqut Federasiyasının vitse prezidenti Emil Rəhimov federasiyanın prezidenti, millət vəkili Jalə Əhməovanın salamlarını və dəvətə görə təşəkkürlərini bildirdi.