6 oktyabr 2013- cü il, Federasiyada toplantı keçirildi. Toplantıda Federasiyanın idarə heyyətinin üzvləri, Vitse prezidentlər, Müəllim və hakimlər iştirak edirdi.
İdarə heyyətindən İştirak edirdilər:
Abdurrəhmanov Asiman, Vəliyev Sunay , Əliyev Anar
Federasiya rəhbərliyindən
Federasiya prezidenti – Vasif Namazov, Vitse-prezident– Fərid Əlizadə, Vitse-prezident– Musa Abdullayev
Texniki direktor– Elşən Məmmədov , Hakimlər Komitəsinin rəhbəri – Anar Bayramov,
Hakim və müəllimlər
Orxan Əliyev, Mərdan Vəliyev, Rəfail Əliyev , Qismət Məmişov, Rac Abdullayev
Gündəlikdə duran məsələlər :
- Hakimlər komitəsinin ümumi bazasının formalaşması
- Növbəti il üçün təqvim planının hazırlanması
- Respublikanın reqionlarında seminarların çoxalması və yeni filialların yaranması üçün proqramın tutulması
- Beynəlxalq Turnirində yüksək səviyyədə iştirak üçün hazırlıq
- Respublika çempionatının vaxtının təyin olunması və qüsurların aradan qaldırılması və
- Yarışlar zamanı müəllimlərin, hakimlərin və eləcədə bütün iştirakçıların hüquqlarının qorunması, eyni zamanda təhlükəsizlik qaydalarının təmin olunması
- Prezident seçkiləri ilə bağlı Federasiyanın mövqeyi açıqlansın
Gündəlikdə duran məsələlər ayrı-ayrılıqda müzakirə olunaraq qərara alındı:
- Hakimlər Komitəsi Beynəlxalq hakimlik qaydaları üzrə yeni hakimlərin hazırlanması üçün kurslar təyin olunsun və kurslar Baş Hakim Vasif Namazov və hakimlər komitəsinin sədri Anar Fərəcov tərəfindən aparılsın;
- Növbəti il üçün nəzərdə tutulan beynəlxalq yarışlar və eləcədə federasiyanın və yerli filialların keçirmək istədikləri yarışlar təqvim planına daxil edilsin və təsdiq olunması üçün idman nazirliyinə göndərilsin;
- Respublikanın digər regionlarında milli döyüş sənətinin inkişafı üçün bütün imkanlar səfərbər olunsun və yeni təbliğat metodları hazırlansın;
- 23-24 Noyabr 2013-cü ildı Gürcüstanda keçiriləcək beynəlxalq turnirdə iştirak etmək üçün Oktyabrın 20-də Qazaxda keçiriləcək respublika türnirindən bacarıqlı idmançılar seçilərək təyin olunsun və hazırlıqlara başlanılsın;
- Respublika Çempionatı 22dekabr 2013 cü il tarixinə təyin edilsin, qalib komandaya pul mukafatı ayrilsin və texniki qüsurların aradan qaldırılması istiqamətində, hakimlər komitəsi, texniki direktor, hüquqi məsələlər üzrə vitse-prezident, nizam intizam komitəsi, 1-ci vitse prezidentdən ibarət təşkilat komitəsi yaradılsın və hazırlıqlara başlanılsın;
- Yarışlar zamanı yarış əsasnaməsinə reayət etməyən, təhlükəsizlik geyimlərinə ( kaska, ayaq qoruyucusu, xaya qoruyucusu, sinə qoruyucusu, əlcək, kapa ) reayət etməyən komanda yarışa buraxılmasın. Eyni zamanda yarışda hər hansısa bir etiraz qeyri etik davaranışlar şəklində olunarsa müəllim və komanda yarışdan çıxarılsın və onun federasiyada qalmaq məsələsi müzakirəyə çıxarılsın;
- 9 oktyabr 2013-cü ilAzərbaycan Respublikası Prezidenti postuna keçiriləcək VII rəsmi seçkidə Yeni Azərbaycan Partiyasının namizədi İlham Heydər oğlu Əliyevin namizədliyini dəstəklənməsini Federasiyanın informasiya resuslarından istifadə edərək nümayiş etdirsin.
Təsdiq etdilər: Federasiya Prezidenti – Vasif Namazov , Vitse-prezident- Fərid Əlizadə, Vitse-prezident- Musa Abdullayev, Texniki direktor- Elşən Məmmədov , Hakimlər Komitəsinin rəhbəri – Anar Bayramov, Nizam intizam komitəsinin rəhbəri- Qismət Məmişov